Natural de Noreña. Resido en Tiñana-Siero.
Trabayo como Luthier de vientu (artesano gaitero) na empresa ETIMTA S.L. onde participo na dirección xunto otros dos socios.
Na enseñanza trabayo na E.M.T. de la A.pp.aa. del Conservatoriu Valle del Nalón como maestru de gaita (dende 1999) y Direutor (dende 2005).
Dende 1995 presido la A.F.M. "Villa y Condáu de Noreña" onde imparto también clases de gaita na so escuela.
Dexanos ún de los grandes. Sinceru homenaxe "Maestro", en paz descanses.
Mañana día 7 a les 16,00h el funeral en San Roque L'Acebal.
Ignaciu na década los 70
Esbilla
del.icio.usInteresante vidio de la "National Library of Scotland" nel que se muestra la construcción de la gaita
Punteros de Cogollu prodiedá de Fonsu de les Regueres.
"Antón de Cogollo" ye un trabayu impresionante fechu por Alfonso Fernández Álvarez "Fonsu de les Regueres".Ta espublizáu nel 2ª Anuariu de l'Asociación Cultural La Piedriquina de les Regueres, pudiendo mercalu contautando cola mesma nel so correu lapiedriquina@yahoo.es.
Fonsu tien una colleución de gaites de Cogollu, el punteru mas vieyu que tién ye ún tumbal que pue datase a finales de la década de 1890 o principios de 1900, perteneció, dende neñu, al pá del tamboriteru de Brañes “Quexu” y foi fechu por Manuél Álvarez (Cogollu padre).
Ente la bayura material recopiláu por Fonsu destaca también un par de vestíos y colgaderes feches a mano por encargu de Cogollu a la muyer d'un teniente coronel de la fábrica d'armes de La Vega.
L'artículo de Fonsu sobre l'artesanu gaiteru "Antón de Cogollo" non tien desperdiciu y ye altamante recomendable pa toos/es los/es amantes de la Gaita Asturiana.
De xuru, en próximos post, falaré más del material qu'atesora Fonsu na so Cá.
Un de les 14 páxines del trabayu de Fonsu espublizáu pola Piedriquina.
Visita también-gaitasturiana.wordpress.com
Les ciudaes d' Uvieu, Xixón y Avilés cellebren el 3 d'Ochobre por primera vez la "Noche Blanca", ún de les iniciativas programaes pel Gobiernu del Principau d'Asturies p'algamar la candidatura a la "Capital Cultural Europea 2016".
Ente la bayura d'actividaes propuestes ún ye l'apertura del Museu de Bellas Artes d'Asturies acompangando les sales con propuestes de música y danza rellacionaes colos temes de les galeries.
Parti del ensame de musica tradicional de profesores de l'escuela de música tradicional "Llangréu" participaremos n'apertura del museu faciendo una propuesta de reellaboración de música popular nel palacio central de la segunda planta onde s'acueye una seleución de la obra de los más cellebres y populares pintores asturianos: Evaristo Valle y Nicanor Piñole.
Formaremos l'ensame; Héctor Braga (voz, zanfoña, bandurria, gaita y vigulin), Pepín de Muñalén (flauta travesera), Alberto Ablanedo (Guitarra y bouzouki) y yo mesmu (gaita, curdión y percusiones) l'horariu ye de 22h fasta les 02:00h.
Interesante documento sobre la constucción de la Highland publicado por Work el Sabado 31 de Octubre de 1908.
Finaron les fiestes del Ecce-Homo en Noreña, esti añu la Banda Gaites de la Villa y Condáu regreso a la escena con un formación nueva de 22 componentes. Prestame ver como se renueva una vez más, aunque yo ya toy vieyu pa estes coses, col sofitu del mió collaciu Xose R. Navia y los nuevos componentes reinventaremos l'Agruapación, aunque yo ya ando pidiendu'l relevu o la prexubilación si ye posible.
Entamando con buen pie la banda realiza un intercambiu colos "Xeremiers Orats" de Pollensa-Mallorca qu'actuaron durente les fiestes de Noreña y son ya vieyos collacios. Pal 2010 visitaremos nos Mallorca.
¡BONA SUERTE PALA NUEVA BANDA GAITES DE NOREÑA!
Más fotografies del Ecce-Homo en
Fai tiempu fixe una critica ( http://etimta.nireblog.com/post/2008/10/23/la-nueva-espana-la-gaita-d-hevia-y-lo-que-nos-dexa-dempues) de les gaites que Lne promocionaba cola compra d'unos coleccionables pa deprender a tocar la gaita fechos por Hevia.
Ún de les coses que puse en duda foi el serviciu post-venta del estrumentu, bono pos tengo que correxime no que dixe. Tengo varios alumnos con eses gaites, a ún en concreto non-i afinaba bién el punteru, Lne dio-i ún nuevu y el mesmu Jose Angel en persona empayoló la gaita.
SERVICIU POST-VENTA INMEYORABLE.
Guei que me dio por mirar......, más de 10.000 visites al blog, non me imaxinaba tener tanta concurrencia ya que paecíame la construcción d'una gaita un tema del interes de pouca xente.
De xuru dame tira pa seguir compartiedo y espublizando más entraes sobre la gaita asturiana.
Un saludo a todos/es los/es que lleéis esti blog.
Pa esti sábadu 19 y domingo 20 ente les 11:00h y les 20:00h fadré una muestra del oficio d'artesanu gaiteru nel Certamen y Concurso Regional de Ganado Selecto Vacuno "Agrosiero".
Cellebrase nel Mercado Nacional de Ganado de la villa de Pola de Siero. Equi puese alcontrar más información al respeuto;http://www.ayto-siero.es/index.asp?MP=2&MS=30&MN=2&id=228&r=800*600
